حكايه شاب كان نفسه يبقى اسبشيل

انا شاب زى اى شاب للاسف وللاسف لانى كان نفسى ابقى سبشيل (يعنى ايه سبشيل) مش عارف هل اللى بيمشى مع بنات وكده وضارب جل وكده مش عارف .... هل اللى بيذاكر ومجتهد وعارف دروسه ولابس نظاره مش عارف..............هل المحترم مع الناس مش عارف.......هل هوه اللى اصحابه بيحبوه وبيقولوا له انت عسل وكده مش عارف................... هل هوه اللى شايف نفسه اسبشيل برده مش عارف.........انا نفسى اعرف المعنى المعنوى لسبشيل عشان اكون سبشيل ....وهل الانسان عشان يعيش لازم يكون اسبشيل ولا الاسبشيل زمان غير دلوقتى يعنى النظره مختلفه انا مضايق ومخنوق مش شايف اسبشيل ادامى عدل كل واحد شايف نفسه اسبشيل بطريقه تتضايق (طبعا ده مش حقد) بس انا رايى ان الاسبشيل لازم يكون فعلا سبشيل يعنى انت ممكن تسال واحد شاب انت شايف نفسك اسبشيل؟ الرد بتاعه(اكيد طبعا ده برده سوال؟) وانا متاكد انه مايعرفش يعنى ايه سبشيل بالانجليزى حتى. انا رايى ان افضل انسان سبشيل هو الملتزم دينيا واخلاقيا وكل حاجه (انا قلت الملتزم مش المتزمت)وده طبعا صعب تلاقيه المفيد من موضوعى واللى انا عايز اوصله ان الانسان لازم يرضى بحاله(بس يحاول يطوره للاحسن) وياريت ياجماعه بلغه الشباب كده (مانعش الدور) ده رايى .واود ان حد يقولى مين الاسبشيل ده؟ (ارجو ان الموضوع يعجبكم وراعوا انى لسه مبتدئ ماتشتموش يعنى)

ايه يا كابتن يا اللى عاوز اسبشيل انت عيب لما يكون عندك اخ اسبشيل زيى وتروح تسال بره فى المواقع عن معنى اسبشيل وانا قلت لك ميت مره لما تعوز تسال عن حاجه تسالنى انا مش تروح تسال المواقع
ع العموم لى تصرف معاك لما اشوفك وسا عتها افهمك يعنى ايه اسبشيل
مع انك عايش معايا على طول ولغايه دلوقتى مش فا هم يعنى ايه اسبشيل ليه يعنى على اساس انى مكنتش اسبشيل يعنى ولا ايه
على فكره يا جماعه انا اخوه محمود بجد واتمنى ان انتم تصبروا عليه شويه على ما يتعلم معنى الاسبشيل فى كل حاجه حتى فى الاسئله
وانا اوعدكم اعلمه واحاول معاه

ونسيت اقول لكم كمان ان احمد اخويا الكبير بس هو ده الزمن الصغير يعلم الكبير
والسلام عليكم ورحمه الله وبركاته الامضاء
م/البراوى