hamada

يا ألف حكاية مكتوبه على قلبى

و ألف بدايه مرسومه على دربى

أنا شاعر باقول الكلمه واتعذب

انا الصادق بحرف الدم مكتوبى

وحرف الحق محبوبى

وحرف الحق ما يكدب

وانا عطشان وكيف اشربو كل الخلق عطشانه

شواشى النخل فى العالى

و انا شايل وحزن الخلق أحمالى

و نبت الحب فى قلبى دا راس مالى

* * *

يا ألف حكايه مكتوبه عى قلبى

دا أنا الإنسان

و ان الباقى فى درج الصدر نبضات

و انا فى الصمت أصوات

و انا القومه

تدب فى عرق اموات

وانا العاشق تراب الرجل يا حبى

يا ألف حكاية مكتوبه على قلبى
مدى ايديك فى العتمه

صدرى الخالى خداع

وانا الى ضعت فى الزحمه

و انا الى تهت فى عينيكى

امام القاضى والتهمه أحابيكى

يا خضره العين والمهجه

يا حبسه فى صدرك البهجه

أنا الغرقان فى بحر الشوق وتغريبه

وانا الممسوك فى تهريبه

باهرب ليكى أوراقى

وطلق رصاصه العسكر

فى صدرى

صحى موتى أشواقى
* * *

يا ألف حكايه مكتوبه على قلبى

سؤالى إيه أنا ذنبى؟

يا ألف بداية مرسومه على دربى

جعلت عروقى أوتار

عملت الريشه من نار

وقعدت أعزف

وتارينى بلا ماادرى أنا
بنزف

ولم يبقى جوى عروقى إلا انت

مع خالص امنياتي لكم بالصحة و دوام التوفيق...